तेस्रो बारपाक सुलिकोट रनिङ शिल्ड प्रतियोगिताको उपाधि माझथर मा वि ले जितेको छ। ९ स्वर्ण, ४ कास्य सहित माझथर प्रथम, ५ स्वर्ण, ६ रजत, ४ कास्य सहित हिमालय मा वि बारपाक दोस्रो र ४ स्वर्ण, ९ रजत, ५ कास्य सहित सूर्यज्योति मा वि, ताकुकोट तेस्रो हुन सफल भएको छ।

आज भएको समापन समारोह तथा पुरस्कार वितरणमा गाउँपालिका अध्यक्ष विष्णु प्रसाद भट्टले विजयी विद्यालय र विद्यार्थीलाई शिल्ड, ट्रफी र मेडल प्रदान गर्नुभएको थियो। विद्यालय र विद्यार्थीलाई पुरस्कृत गरेर थप हौसला दिइएको थियो। फाल्गुन १२ बाट सुरु भएको प्रतियोगितामा १३ विधाका खेल खेलाईएको थियो।